2018/02/28

Richard Oribe 6.mailako ikasleekin

Lehengo astean Richard Oribe eta bere entrenatzaile izan den Javi Aymerich guregana etorri ziren hitzalditxo bat ematera. Ondorengoa kontatu ziguten:

Richard jaio zenean, gurasoei esan zieten  ez zela ez mugituko, ez zuela hitz egingo eta ez zela ezer egiteko gai izango, baina ez zen horrela izan. Richard gazte hasi zen Aspacen  igerian terapia modura. Bere gurasoak laster hasi ziren profesional baten bila arazoari aurre egiteko, eta, ikusten denez, lortu egin zuten.



                              Irudian klik egin

Orain dela urte asko sartu zen Richard Konporta igeriketa ekipoan eta orain arte hor jarraitu du, Javier Aymerich-ekin igerian entrenatzen.

Bere lehenengo paralimpiada Bartzelonan izan zen eta orain arte parte hartu du joku paralinpikoetan.Guztira hamasei domina lortu ditu, baina berarentzako sari handiena eta garrantzitsuena aurten Donostian eman zaion  urrezko danborra izan da.

Oso interesgarria izan da Richard eta Javi-ri entzutea zer garrantzia duen arazo baten aurrean, indartsua izateak eta aurrera jarraitzeak. Richard-en arazoa potoloa da eta hortxe dugu, pozik, zoriontsu eta kemen handiarekin. Zorionak, Richard, hain pertsona jatorra izateagatik!


2018/02/22

Aste hontako jardunaldiak


Artxiboa jaitsi

Pedro Subijanaren bisita

Lehengo astean 5.mailako ikasleek Pedro Subijanaren bisita jaso genuen. Elikagaien inguruan hitz egin zigun eta baita zaporeez ere.

Bi bideo eskaini zizkigun . Guk arreta handiz jarraitu genituen azalpenak eta ondoren galderak egin zizkigun. Liburu batzuk banatu zituen bukaeran.




2018/02/14

Aste hontako jardunaldiak

2018/02/12

Ihauteriak 2018 gure ikastolan

Ostiralean ikastolako beheko eraikinean inauteriak ospatu genituen. Goizean ikastolako txikienak festa bat antolatu zuten xaguz mozorrotuta.
Arratsaldean berriz eguraldiaren laguntza handia ez izan arren, maila bakoitzak bere dantza erakutsi zigun. Primeran pasa genuen!!!


Argazkian klik egin gainontzekoak ikusteko

2018/02/03

Kaldereroak 2018

Lehengo ostiral arratsaldean H.H.-ko ikasleak pitxiak jantzi eta zartagia mailuarekin astinduz,kalderoak ospatu zituzten frontoian.Bukaeran Lehen Hezkuntzako ikasle guztiek Sta. Agedako koplak ederki kantatu zituzten.





Argazkiak ikusteko klik hemen

2018/02/02

Aste hontako jardunaldiak