2013/06/19

Jakintzan galduta

Kaixo: Ni Jakintzan ahaztuta utzi naute galtzerdi bat naiz. Goiko ikastetxean, sarreran dagoen mahai berdearen gainean utzi ninduten beste erropa mordo baten artean. Saiatzen naiz sarrera-irteeretan, jolasgaraietan eta komunera jaisten direnetan erne-erne begiratu eta nire jabea ikusten dudan, baina bai zera! Ikasle asko dira eta denak ziztu bizian pasatzen dira guri begiratu ere egin gabe. Gaur argazkiak atera dizkigute eta badakit horrela ni eta nire laguntxo hauek etxe guztietan ikusiko gaituzuela. Nire jabeak ezagutu eta nire bila etorriko den esperantza daukat, horrela oporrak elkarrekin pasatzeko aukera izango baitugu. Laster arte!!!

 

Hauek jaialdi egunean ahaztutakoak dira, hau da, gure artean denbora gutxien daramatenak:


2013/06/17

Jaialdia

Ekainaren 15ean ospatu genuen jaialdia eguzkia lagun genuela. Goizez kirol ekintzak egin genituen eta arratsaldez, berriz, HH4-tik gorakoen emanaldiak izan ziren. Tartean Jose Ignazio Bitoria marrazki lehiaketako sari banaketa ere egin genuen. Eta bukatzeko, erakusketako ateak zabaldu ziren. Giro aparta izan zen egun osoan zehar sardina, ogitarteko eta freskagarriz gozatua.

2013/06/14

Bide Hezkuntza

Bide hezkuntzako marrazki lehiaketan Iratxe Zuñiga izan da irabazlea eta Peru Elizondo berriz, saritua. Atzo harrera egin genien ikastolan.

2013/06/13

Gamarra

Ikasturte bukaerako irteera egin genuen Gamarrara. Eguraldi ona eskatu genuen, kasu egin ziguten eta primeran pasatu genuen.

2013/06/10

Begirale-guraso partidua

Asteburu honetan jokatzekoa zen begirale-guraso partidua bertan behera gelditu da jaialdia larunbat honetara mugitu delako. Beraz, asteburu honetan EZ DA PARTIDURIK IZANGO. Data berri bat jartzen bada,jakinaraziko zaizue.

Abesbatza

Gaur abesbatzako ikasleek bi emanaldi eskaini dizkigute; bata beheko eraikinean eta bestea goikoan. Estilo eta garai desberdinetako abestiak abestu dizkigute goi mailako abeslarien pare.Segi horrela!

 

Bertso emanaldia

Ekainaren 5ean bertso saio bikaina eskaini zuten LH-5. mailakoek Antzoki Zaharrean.Gai hauek jorratu zituzten:

 - LH5A: "Hegalitis" ipuina sortu eta bertsoz kontatu zuten.
 - LH5B: "Peter Pan" ipuina azaldu zuten.
 - LH5C: "Astelehenak" nolakoak izaten diren adierazi ziguten.

Urduritasuna lagun izan zuten bertsolari gazte hauek hasieran, baina laster lortu zuten uxatzea oholtza gainera igo eta jendaurrean jarri zirenean. Bukaeran txalo zaparrada ederra jaso zuten bertan ziren denen partetik.

2013/06/07

Jaialdia

Larunbaterako oso eguraldi txarra iragarria dagoenez, jaialdia atzeratzea erabaki da. HH-ko 2 eta 3 urtekoek beren emanaldia astelehenean eskainiko dute beheko eraikinean eta besteok, eguraldia lagun, ekainaren 15ean ospatuko dugu.

2013/06/05

Txapeldunak

Igande goizean Silvestre Igoa Txapelketa ospatu zen Añorgako futbol zelaian.Jakintza ikastolako 6. mailako neska mutilek parte hartu zuten.Talde bat txapeldun geratu zen Larramendiren aurkako finala jolastu ondoren. Aupa, txapeldunak!!!!

 

2013/06/03

Lugaritz Literatur Lehiaketa

Idazle finez inguraturik gaude aurten ikastolan. Oraingoan Unai Ruiz izan da garailea; 2. saria jaso du "Antton asmatzailea" ipuinarekin. Zorionak!!!
Gaur txaloka egin diogu harrera ikastolan.